Një aksident është regjistruar mëngjesin e sotëm në afërsi të fshatit Kallm në Fier.
Drejtuesi i automjetit tip “Benz” 65-vjeçari V.N., është përplasur me motomjetin tip “Xiang” që drejtohej nga 19-vjeçarja N.S., banuse në Kallm.
Ndërkohë si pasojë e përplasjes është lënduar 19-vjeçarja dhe nëna e saj 56-vjeçarja A.S., që ishte pasagjere në motomjet.
Të aksidentuarat, nënë e bijë ndodhen në spitalin e Fierit nën kujdesin e mjekëve. Sakaq policia bën me dije se shoferi i makinës, 56-vjeçari është shoqëruar në komisariat ku edhe po kryhen veprimet procedurale.
Fier/Informacion paraprak
Sot rreth orës 08:30, në afërsi të fshatit Kallm, shtetasi V. N., 65 vjeç, banues në Roskovec, duke drejtuar mjetin tip “Benz“, është përplasur me motomjetin tip “Xiang”, që drejtohej nga shtetasja N. S., 19 vjeçe, banuese në Kallm.
Si pasojë e përplasjes është dëmtuar drejtuesja e motomjetit dhe nëna e saj, pasagjere në motomjet, shtetasja A. S., 56 vjeçe, të cilat ndodhen në spitalin e Fierit nën kujdesin e mjekëve.
Eshtë shoqëruar në Komisariat drejtuesi i makinës dhe po kryhen veprimet procedurale.
Grupi hetimor po punon për zbardhjen e rrethanave të aksidentit.
/abcnews.al/
