Një aksident rrugor ka çuar në spital burrë e grua. Ngjarja ndodhi në rrugën Fier – Darëzezë në afërsi të fshatit Shënpjetër. Florika dhe Irakli Nune po kalonin rrugën me karrocë kur janë përplasur nga një automjet tip Benz. Dyshohet se drejtuesi i mjetit nuk i ka parë të moshuarit për shkak të errësirës. Megjithatë ai vetë i ka dërguar në spital bashkëshortët të cilët ndodhen në kujdesin e mjekëve. Policia ka shoqëruar drejtuesin e mjetit dhe po heton për rrethanat e aksidentit./abcnews.al
