Një aksident me pasojë vdekje ka ndodhur këtë të enjte në rrugën Elbasan-Peqin në afërsi të fshatit Bishqem.
Një mjet furgon tip “Ford” është përplasur me një motoçikletë.
Për fat të keq drejtuesi i motoçikletës , 72 vjeç ka ndërruar jetë në Spitalin Rajonal të Elbasanit.
Kujtojmë se një ditë më parë në të njëjtin aks ndodhi një tjetër aksident me vdekje, ku ndërroi jetë një 49-vjeçar, i cili u përplas për vdekje nga një makinë në afërsi të fshatit Karinë.
Njoftimi i policisë
Peqin/Informacion paraprak
Më datë 22.09.2022, në aksin rrugor Elbasan-Peqin, në fshatin Bishqem, mjeti furgon tip “Ford”, me drejtues shtetasin D. A., banues në Elbasan, është përplasur me motoçikletën me drejtues shtetasin M. S.
Si pasojë e aksidentit ka humbur jetën, në spital, drejtuesi i motoçikletës, shtetasi M. S., rreth 72 vjeç, banues në fshatin Bishqem, Peqin.
Grupi hetimor po punon për zbardhjen e shkakut të aksidentit.
/abcnews.al/
