Loading ...Një aksident me pasojë vdekjen e një personi ka ndodhur mëngjesin e së premtes në autostradën Rrogozhinë Lushnje në afërsi të fshatit Konjat.
Autobusi i linjës Tiranë-Athinë ka goditur nga pas një motomjet i drejtuar nga shtetasi Qemal Krasniqi 72 vjeç.
Goditja ka qenë fatale dhe 72 vjeçari ka ndërruar jetë në vendngjarje. Policia e qarkullimit rrugor po dokumenton ngjarjen.
Trupi i të ndjerit është transportuar në morgun e spitalit të Lushnjes ndërsa drejtuesi i autobusit shtetasi Hektor Lakuriqi është ndaluar deri në sqarimin e rrethanave.
Paraprakisht dyshohet se mungesa e ndriçimit ka qënë shkak për përplasjen./abcnews.al
