Një aksident me vdekje ka ndodhur në aksin Korçë-Kapshticë, pasditen e sotme. Gazetarja Ledjona Xheladinaj raporton për abcnews.al se në afërsi të fshatit Cangonj një automjet tip Benz që drejtohej nga Adi Koçileri ka goditur një motor.
Për pasojë ka humbur jetën drejtuesi i motorit, i cili nuk është identifikuar ende. Sakaq, policia ka mbërritur në vendngjarje dhe ka nisur hetimet për zbardhjen e plotë të shkaqeve.
Njoftimi i policisë:
Më datë 24.08.2021, rreth orës 18:30, jemi njoftuar se në aksin rrugor Bilisht-Korçë, në afërsi të fshatit Cangonj, shtetasi A. K., 30 vjeç, duke drejtuar mjetin tip “Benz”, ka aksidentuar drejtuesin e një motoçiklete (ende i paidentifikuar) i cili për pasojë ka ndërruar jetë.
Me drejtuesin e mjetit, shtetasin A. K., po kryhen veprimet e mëtejshme procedurale.
Grupi hetimor po punon për identifikimin e viktimës dhe zbardhjen e rrethanave të aksidentit.
g.v/abcnews.al
