Loading ...
Luis Suarez ishte goditja e madhe e Atletico Madrid në merkaton e verës së kaluar. Sulmuesi uruguaian erdhi nga Barcelona dhe është përshtatur për mrekulli tek ekipi i Diego Simeones.
16 gola deri tani në La Liga dhe “Los Colchoneros” në vend të parë me një diferencë prej pesë pikësh nga vendi i dytë (Atletico ka luajtur dy ndeshje më pak se rivalët).
34-vjeçari ka firmosur deri në verën e vitit 2022 me Atleticon, por në akordin e arritur mes palëve ekziston edhe një klauzolë largimi, që e zbulon Marca.
Sipas të përditshmes spanjolle, “El Pistolero” ka të drejtën e ndërprerjes së bashkëpunimit me Atleticon në fund të këtij sezoni.
Nëse goleadori merr ndonjë ofertë tunduese apo thjesht vendos të provojë një tjetër aventurë, Atletico nuk mund ta pengojë dot. /abcnews.al
