Akon do të ndërtojë një qytet në Senegal që do të kushtojë 6 miliardë dollarë. Këngëtari i hitit “Beautiful” tregoi se për këtë projekt është frymëzuar nga qyteti imagjinar Wakanda në filmin “Black Panther”. Projekti do të ndërtohet në fshatin Mbodiene, rreth 100 km në jug të kryeqytetit Dakar.
“Akon City” do të përfshijë hotele, një universitet, spitale, qendra biznesi dhe argëtimi duke përfshirë dhe një kazino, të cilat do të dizajnohen nga arkitekti Hussein Bakri. 47-vjeçari rrëfeu se ai u zhvendos me familjen e tij në shtetin amerikan të New Jersey-t në moshën 7-vjeçare, ndërsa shtoi se ka takuar shumë afro-amerikanë “që nuk e kuptonin vërtet kulturën e tyre”.
“Kështu që unë doja të ndërtoja një qytet ose një projekt si ky që afro-amerikanët të kenë një shtëpi kur të kthehen në vendin e origjinës. Ndërsa vini nga Amerika, Evropa ose kudo në diasporë dhe dëshironi të vizitoni Afrikën, ne duam që Senegali të jetë ndalesa juaj e parë.” tha Akon. /abcnews.al/
