Leo Messi vazhdon të shijojë fitimin e Kupës së Botës. Tani ai dhe gruaja e tij Antonella Roccuzzo kanë mbërritur në vendlindjen e tyre Rosario. Ata po udhëtonin me një makinë të rrethuar nga fansat, bie në sy se nuk ishte shoferi apo roje sigurie që drejtonte, por gruaja e Leos.
Antonella fluturoi për në Rosario menjëherë pas finales, ndërsa Messi fillimisht shkoi në Buenos Aires, ku festoi trofeun me skuadrën.
Në aeroport, Antonella, së bashku me tre fëmijët e saj, u prit nga Celia Maria Cuccittini, nëna e Leos. Ata shkuan me makinë në shtëpinë e tyre, në zonën e mbyllur të Funes (në perëndim të Rosarios).
Kur Messi mbërriti në shtëpi, familja e tij ishte mbledhur tashmë. Leo mezi priste të pushonte pas finales: “Tani gjithçka që dua është të shkoj në Argjentinë, të argëtohem me miqtë e mi dhe të pushoj në Rosario. Bëj banja dielli në shtëpi pranë gruas sime”.
Messi do të festojë Krishtlindjet dhe Vitin e Ri në Rosario
Nuk dihet ende se kur Leo do të kthehet në Paris. Ndoshta ai do të largohet nga Rosario me Angel Di Maria, i cili gjithashtu tani është në vendlindjen e tij.
Leo dhe Antonella janë në lidhje që në moshën 7-vjeçare , ata u prezantuan nga shoku i skuadrës së Messit në Newells
Antonella Roccuzzo është shoqja e fëmijërisë së Leos dhe, që nga viti 2017, gruaja e tij. Të dy janë nga Rosario dhe u takuan kur ishin shtatë vjeç. Çifti ka tre fëmijë: Thiago, Matteo dhe Ciro.
Në fillim të viteve 2000, Leo u transferua në Barcelonë, ndërsa Antonella mbeti në Argjentinë. Ajo punoi në një palestër për femra. Për një kohë ata duhej të komunikonin në distancë.
Ata filluan të takoheshin vetëm në vitin 2004
Në të njëjtën kohë, para ardhjes së Messit, Antonella kishte një të dashur me të cilin kishte tre vite që takohej. Por sapo mbërriti Leo, ajo u nda me të. Ish i dashuri i Antonelës tha në një intervistë për një botim lokal: “Ajo më la, por të paktën jo për ndonjë plak, ajo më la për Messin”. /G.D abcnews.al/
