Agjencia e Mbikëqyrjes Policore AMP gjatë mbrëmjes së djeshme me të gjithë agjentët e saj në terren ka zhvilluar inspektime blic.
Inspektimet janë kryer në lokalet e natës për goditjen e veprimtarive të paligjshme, si lojërat e fatit, muzika në lokale jashtë orarit, parandalimin e shpërndarjes së lëndëve narkotike dhe parandalimin e parkimeve të paligjshme.
Agjentët e AMP kanë inspektuar të gjitha pikat e kontrollit të policisë. Inspektimet janë bërë për të monitoruar punën e Policisë së Shtetit dhe për të inspektuar reagimin e policisë kur qytetarët bëjnë denoncime me qëllim përmirësimin e shërbimit policor. / abcnews.al
