Afrona Dika ka treguar me fotografinë e fundit se ndihet krenare që është shqiptare. Partnerja e Bleros ka publikuar disa fotografi në Instagram, ku shfaqet e veshur me një veshje tradicionale nusërie. “Jam lindur dhe rritur në Zvicër, por traditat shqiptare i kam në zemër dhe mburrem që jam shqiptare.”, ka shkruar Afrona.
Ndonëse janë martuar prej një viti, Afrona dhe Blero jetojnë ende larg nga njëri-tjetri për shkak të angazhimeve profesionale. Dyshja kurorëzoi dashurinë e tyre disa vjeçare në martesë, në një ceremoni madhështore të mbajtur në Shëngjin.
Por pavarësisht distancës, ajo dhe Blero gëzojnë një marrëdhënie shumë të ngrohtë e këtë e kanë treguar shpeshherë dhe me dedikimet romantike që i bëjnë njëri-tjetrit në rrjete sociale. /abcnews.al
