Dhjetëra vullnetarë kanë hyrë në një minierë të braktisur ari në Afrikën e Jugut për të ndihmuar qindra minatorët ilegalë, të cilët janë bllokuar nën tokë për një muaj.
Të dëshpëruar, emigrantët ilegalë hynë qëllimisht në minierën në Stilfontein për të nxjerrë ar ose mbetje minerale.Ndërkohë, autoritetet kanë bllokuar furnizimin me ushqime dhe ujë, duke marrë një linjë të ashpër për të detyruar ata të dalin.Ka raporte që minatorët kanë ngrënë uthull dhe pastë dhëmbësh për të mbijetuar nën tokë.
Kushtet nën tokë janë përkeqësuar dhe ka frikë se ata mund të jenë shumë të dobët dhe të brishtë për të dalë vetë nga miniera.Vullnetarët, të cilët janë organizuar në grupe prej 50 personash, thonë se është nevojitur rreth një orë për të nxjerrë çdo person nga miniera. Ata përdorin litarë për të nxjerrë njerëzit nga miniera, duke theksuar se është një krizë humanitare dhe jo vetëm çështje e minatorëve ilegalë.
Pavarësisht përpjekjeve të vullnetarëve, autoritetet duke përfshirë policinë dhe ushtrinë, kanë ndaluar dërgimin e ndihmës dhe kanë arrestuar disa minatorë që janë nxjerrë.
Policia dhe ushtria janë ende në vendin e ngjarjes duke pritur për të arrestuar ata që dalin nga miniera dhe që nuk kanë nevojë për ndihmë mjekësore pas daljes në sipërfaqe.
Një mijë minatorë janë arrestuar këtë javë dhe kjo situatë po shqetëson autoritetet, që janë të frikësuar për sigurinë e minatorëve dhe të vullnetarëve. Komisioni i të Drejtave të Njeriut të Afrikës së Jugut ka njoftuar se do të hetojë policinë për privimin e minatorëve nga ushqimi dhe uji, duke shprehur shqetësim se operacionet e qeverisë mund të ndikojnë në të drejtën për jetë.
Qeveria po përballet me kritika për trajtimin e këtyre individëve si “kriminelë”, ndërkohë që grupet e të drejtave të njeriut shqetësohen për rrezikun për jetën dhe shëndetin e minatorëve./abcnews.al
