Shuplaka ndaj Chris Rock mund t’i kushtojë Will Smith-it çmimin Oscar si aktori më i mirë. Ngjarja ndodhi pas një batute që komediani bëri ndaj gruas së aktorit, për flokët e rruara. Pasi e gjuajti me shuplakë, Smith i drejtohet duke i thënë që të mos e përmendë emrin e gruas së tij.
Smith më vonë kërkoi falje gjatë fjalës së tij pasi fitoi çmimin për aktorin më të mirë. Në vitin 2017, Akademia nxori një sërë udhëzimesh të quajtura “Standardet e Sjelljes” që mund të çojnë në humbjen e çmimit nëse shkelen rregullat e tyre.
Here’s the moment Chris Rock made a “G.I. Jane 2” joke about Jada Pinkett Smith, prompting Will Smith to punch him and yell, “Leave my wife’s name out of your f–king mouth.” #Oscars pic.twitter.com/kHTZXI6kuL
— Variety (@Variety) March 28, 2022
“Akademia është kategorikisht kundër çdo forme abuzimi, ngacmimi ose diskriminimi në bazë të gjinisë, orientimit seksual, racës, përkatësisë etnike, paaftësisë, moshës, fesë ose kombësisë. Bordi i Guvernatorëve beson se këto standarde janë thelbësore për Akademinë si mision dhe reflektues i vlerave tona.”
Akademia ka lëshuar një deklaratë pas incidentit. “Akademia nuk e toleron dhunën në asnjë lloj forme. Sonte ne jemi të lumtur të festojmë për triumfuesit tanë të 94-të të çmimeve Oscar, të cilët meritojnë këtë moment njohjeje nga dashamirësit e filmit në mbarë botën.”
Sakaq, akademia ka bërë të ditur se ka filluar zyrtarisht një hetim rreth incidentit të ndodhur.
“Ne kemi filluar zyrtarisht një hetim rreth incidentit dhe do të shqyrtojmë veprimet dhe pasojat e mëtejshme në përputhje me aktet tona nënligjore, standardet e sjelljes dhe ligjin e Kalifornisë”, thuhet më tej në deklaratë. /abcnews.al
