Deputeti demokrat, Lefter Gështenja i ftuar në “Log.” në abc të gazetarit Endri Xhafo, ka folur për platformën e PD.
Ai theksoi se kjo platformë është ndërtuar në bazë të propozimeve të bëra nga disa deputetë të PD.
Sipas tij pikat brenda platformës nuk janë përjashtuese por zgjidhje e ngërçit.
Pjesë nga diskutimi:
Xhafo: A po ngjit kjo platformë për PD?
Gështenja: As unë dhe askush nga kolegët e mi nuk e kanë firmosur, por e kanë konfirmuar. Kjo nuk është një platformë e krijuar nga një njeri, por është marrë dhe konsultuar me të gjithë deputetët që kanë dhënë “Ok” në parim për këtë platformë. Pikat që lexuat nuk janë kushte por zgjidhje e ngërçit. PD sot është në krizë, në krizë besimi, legjitimitet mes palëve, palët sot nuk njohin njëri-tjetrin. Kjo ka qenë ideja ime personale, që hajde bashkohemi dhe hodha si ide 5 ose 6 pika. Kam gjetur mbështetje nga deputetët. Kjo është një platformë e hapur ku secili të propozojë zgjidhjet e mundshme, ne duhet të ulemi ta diskutojmë. Në dy deklarime që kamë parë unë kërkohet përfshirja e të gjithë deputetëve referuar 25 prillit. Unë personalisht jam për gjithëpërfshirës, PD nuk e ka luksin për të përjashtuar askënd. Përjashtime për një person të veçantë e bëjnë forumit jo një person.
/Abcnews.al/
