Meghan Markle bëri një ankesë zyrtare pas komenteve të Piers Morgan në lidhje me shëndetin e saj mendor, duke thënë se nuk besonte asgjë që kishte thënë, pas intervistës së bujshme të së dielës për Oprah Winfrey. Morgan bëri me dije se ka dhënë dorëheqjen nga moderimi i emisionit “Good Morning Britain” pas pesë vitesh, dhe largimi i tij erdhi pas ankesës në emër të dukeshës së Sussex-it.
Mediat e huaja shkruajnë se shqetësimi i dukeshës nuk kishte të bënte me sulmet personale ndaj pretendimeve të saj për racizëm kundër familjes mbretërore apo me deklaratën e saj se kishte përjetuar mendime vetëvrasëse gjatë kohës së qëndrimit në pallatin mbretëror. Ajo ishte e shqetësuar për mënyrën se si komentet e tij mund të ndikojnë tek njerëzit që përpiqen të merren me problemet e tyre të shëndetit mendor.
Përveç kësaj, Ofcom mori 41.000 ankesa në lidhje me komentet e Piers në episodin e së hënës. Gjatë intervistës, dukesha e Sussex-it tha se ndërsa ishte shtatzënë me djalin Archie, abuzimi i pamëshirshëm e bëri atë të ndjehej sikur ajo ‘nuk donte të ishte më gjallë’. Më pas pretendoi se ajo i kërkoi ndihmë ‘institucionit’, por iu refuzua trajtimi psikiatrik.
“Shikoni, unë me të vërtetë kisha turp ta thosha në atë kohë dhe më vinte turp ta pranoja atë veçanërisht tek Harry, sepse unë e di se sa humbje ka pësuar, por e dija që nëse nuk do ta thoja, atëherë unë do ta bëja. Thjesht nuk doja të isha gjallë më.“, tha ndër të tjera Markle. /abcnews.al
