Hande Erçel dhe Kerem Bursin, një nga çiftet më të komentuar të showbizzit turk, përfliten se janë ndarë. Mediat turke kanë raportuar se shkak i ndarjes ka qenë aktorja e famshme Demet Özdemir. Hande thuhet se është bërë xheloze pasi ka mësuar se Demet dhe Keremi do të luajnë rolet kryesorë në një serial të ri që do të transmetohet në platformën dixhitale Disney+.
Thuhet se Hande nuk e ka pritur mirë këtë pasi lajmin e ka marrë vesh nga gazetat dhe jo nga partneri i saj. “Nuk e di pse. Këtë do ta mësoja nga gazetat”, ka thënë aktorja. Madje, u pretendua se Hande ka nisur të shoqërohet me ish të dashurin e saj, Murat Dalkiliç. Ata morën pjesë në një ndeshje basketbolli dhe kaq mjaftoi të thuhej se janë rikthyer bashkë.
Mirëpo, së fundmi është raportuar se Hande ka mbërritur për të parë ndeshjen me shoferin personal të Keremit. Përveç kësaj, ajo që ka tërhequr vëmendjen është këmisha që ka mbajtur veshur aktorja, që është e ngjashme me atë që ka veshur më parë dhe Kerem. Këto detaje tregojnë se mes çiftit çdo gjë është në rregull.
/abcnews.al
