Ministri i Jashtëm grek, Nikos Dendias zhvilloi sot një bisedë telefonike me përfaqësuesin e BE Miroslav Lajçak për dialogun Kosovë-Serbi.
Nëpërmjet një postimi në Twitter ministri grek bën me dije se shkëmbeu pikëpamje me Përfaqësuesin Special të BE-së Miroslav Lajcak për situatën aktuale në dialogun Kosovë-Serbi dhe për zhvillimet më të gjera në Ballkanin Perëndimor.
In a phone call earlier, Ι exchanged views with #EUSR @MiroslavLajcak on the state of play in the Belgrade-Pristina Dialogue and on broader developments in the #WesternBalkans. pic.twitter.com/yHMwaecs1Z
— Nikos Dendias (@NikosDendias) September 29, 2022
“Në një bisedë telefonike më herët kemi shkëmbyer pikëpamje me Përfaqësuesin Special të BE-së Miroslav Lajcak për situatën aktuale në dialogun Beograd-Prishtinë dhe për zhvillimet më të gjera në Ballkanin Perëndimor”, ka shkruar Dendias në Twitter.
Ndonëse pozicioni i Greqisë karshi pavarësisë së Kosovës, “mbetet i pandryshuar”, Greqia e mbështet Kosovën në rrugën e saj evropiane dhe në këtë kontekst, e mbështet edhe procesin e liberalizimit të vizave.
Greqia është një prej pesë shteteve të Bashkimit Evropian që ende nuk e ka njohur Kosovën, por ky shtet ka Zyrën e saj ndërlidhëse në Prishtinë. Përveç Greqisë, pavarësinë e Kosovës nuk e kanë njohur as anëtaret e BE-së: Sllovakia, Qipro, Rumania dhe Spanja. mMë 15 prill, gjatë një takimi me Aliferin, kryeministri i Kosovës, Albin Kurti ka kërkuar që Greqia t’i bashkohet shteteve që e kanë njohur pavarësinë e Kosovës./abcnews.al/
