Një sherr me thika mes disa të rinjsh ka ndodhur këtë mbrëmje në Elbasan, ku ka humbur jetën Florenc Kovaçi 28 vjeç ndërsa ka mbetur i plagosur rëndë vëllai i tij Mikel Kovaçi 19 vjeç.
Burime për gazetarin e ABC Aldo Kozarja bëjnë me dije se mollë sherri mes të rinjve ka qenë një vajzë. Pikërisht për të, rreth orës 19:50, në lagjen “Qemal Stafa” të rinjtë kanë nisur të konfliktohen me fjalë, por situata ka degraduar deri në përdorimin e armëve të ftohta.
ABC ka shkuar në vendin e ngjarjes së rëndë dhe siç shihet dhe nga pamjet, gjithçka ka ndodhur në mes të qytetit të Elbasanit, në një zonë të banuar. Lidhur me krimin e rëndë ka reaguar zyrtarisht Policia e Elbasanit e cila njofton se konflikti mes të rinjve nisi për motive të dobëta dhe përshkallëzoi deri në vrasje.
Lexo edhe: Viktima kurohej për depresion, ky është i vëllai i plagosur nga konflikti në Elbasan (FOTO)
Shërbimet e policisë po krehin zonën me qëllim kapjen e autorëve, ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.
