Ura pasarelë e lumit Ishëm e ndërtuar në periudhën e Mbreti Zog rrezikon të shembet. Siç duket dhe nga pamjet banorët e fshatit Sukth-Vendas të Krujës janë përpjekur që mbi dërrasat e dëmtuara të vendosin të reja. Gjithsesi ura nuk garanton siguri.
“Vemë dërrasa se s’mund të kalojmë. Urën e duam se shkojmë tek varrezat dhe tek toka do bjerë ndonjë makinë,” thotë një banor.
“Ura kot me thënë se është urë. Ne këmbësorët dhe e përballojmë po makinat jo këtu lidhet Durrësi me Krujën. Tonazhi 1.5 ura po hipin e ata me 3 ton do jetë ndonjë që do bjerë poshtë.”
Mijëra banorët të disa fshatrave të Krujës, Kurbinit dhe Durrësit përdorin këtë urë të rrezikshme për të shkurtuar rrugën me 30-40 minuta.
“Dalin se i biem për shkurt,” shprehet një banor.
Ura rreth 70 metra nuk është riparuar asnjëherë. Banorët e Sukth vendas dhe Ishit që e kanë më të domosdoshëm qarkullimin përmes urës kërkojnë nga autoritete që të ndërhyjnë sa më parë./abcnews.al/
