Problemi i banorëve të Krujës nuk mori fund as pasi Ujësjellësi u ktheu ujin në çezma. Banorët ankohen se kohëzgjatja ishte e pamjaftueshme për të kryer punët e nevojshme. Enët sërish iu mbetën bosh.
Ujin për konsum apo për gatim duhet të vazhdojnë ta blejnë në dyqan.
“Ujti i pijshëm ka ardh, po jo me e përdor me e pi. Kemi la veç rroba. Ka ardh në 20.00 dhe rreth orës 21.00 ka ikur. Ujë bashkia ka nda, se ku e ka çuar nuk e di. Nuk na kanë pru ujë, jo falas, po as me lek nuk na e dhanë dje.”
Ndotja e ujit sipas Institutit të Shëndetit Publik ishte pasojë e reshjeve të fundjavës së shkuar, por kjo banorët e Krujës nuk i bind.
Për këtë çështje, të shtunën shumë banorë të Krujës kanë lajmëruar protestë. Ndërkohë në spital vijojnë të paraqiten banorë me shenja të helmimit ndonëse që nga pasditja e të enjtes ka një rënie të ndjeshme të pacientëve që kërkojnë ndihmë mjekësore. /abcnews.al/
