Loading ...
Kim Kardashian ka mbushur 41 vjeç sot. Nëna e katër fëmijëve mori urimet më të mira nga familja e saj e famshme në rrjete sociale. Një ndër më emocionuesit ishte nga nëna e saj, Kris Jenner, e cila ka ndarë disa foto nga momentet më të rëndësishme të së bijës ndër vite, krahas së cilave ka shkruar dhe disa fjalë mjaft të ndjera.
“Gëzuar ditëlindjen vajzës sime të bukur @kimkardashian!!!! Nuk mund ta besoj sa shpejt fluturon koha! Ti je në kulmin e jetës me katër fëmijë të mrekullueshëm dhe po jeton jetën tënde më të mirë !! Jeta jote është e mbushur me gjëra të mahnitshme që të pëlqen të bësh, veçanërisht për familjen tënde, fëmijët e tu dhe për të tjerët që as nuk e dinë se po i ndihmon.
Ti je gjithmonë në lëvizje, duke bërë gjëra për mua, për vëllezërit dhe motrat e tua dhe për të gjithë familjen. Sa me fat jemi që të kemi në jetën tonë. Ti je nëna, vajza, motra, tezja më e mirë. Faleminderit për këtë udhëtim të mahnitshëm që po bëjmë së bashku, për të qenë partnere në biznes, për ndjekjen e ëndrrave tona së bashku dhe për secilin kujtim që ndajmë së bashku.
Unë jam krenare për ty vajza ime e bukur. Jam kaq e bekuar që Zoti më zgjodhi mua të jem mamaja jote dhe të dua më shumë nga sa mund ta marrësh me mend!!!”, ka shkruar Kris.
/abcnews.al
