Loading ...
Kroacia ka nisur hetimet për policinë e saj kufitare e cila sistematikisht ka dhunuar emigrantë dhe azilkërkues në kufirin me Bosnje e Hercegovinë, duke shkelur të drejtat civile elementare.
Deklarata u bë pas publikimit të një videoje ku burra në uniformë dhe me kapuc në kokë, dhunonin grupe emigrantësh. Europa reagoi nëpërmjet fjalëve të komisioneres për çështjet sociale Ilva Johanson.
Shocking findings @LHReports add to long line of reports on unacceptable normalisation of #pushbacks & violence vs. asylum seekers & migrants. High time for @coe states to investigate effectively, take action, hold each other to account & end such serious #HumanRights violations
— Commissioner for Human Rights (@CommissionerHR) October 7, 2021
Ajo u shpreh se raportimet janë shokuese dhe shqetësuese, dhe duhen hetuar patjetër. Gjithsesi ajo shtoi, se këto sulme janë të planifikuara në kufijtë e jashtëm të BE-së, dhe madje ka prova për përdorim të papërshtatshëm të fondeve të Bashkimit Europian.
Filmimi është realizuar gjatë një hetimi 8 mujor të gazetarëve të ndryshëm europianë dhe një grupi jo fitimprurës. Sigurisht që kryeministri kroat Plenkovic reagoi zyrtarisht duke thënë se kufijtë duhen mbrojtur dhe duhet parandaluar emigracioni i paligjshëm. Ai shtoi se fatkeqësisht emigracioni shpesh drejtohen dhe organizohen nga trafikantë që shfrytëzojnë ata që lënë shtëpitë e tyre.
Europa është e shqetësuar për faktin se fondet europiane nuk mund të jepen për shtetet anëtare që lejojnë shkeljen e të drejtave të njeriut./abcnews.al
