Kompania farmaceutike amerikane Merck njoftoi së fundmi se do të kërkojë miratim nga rregullatorët për medikamentin e parë kundër koronavirusit dhe ky lajm është konsideruar nga shumë njerëz si “ndryshues loje” në rrjedhën e pandemisë .
Analistët tashmë po parashikojnë që “molnupiravir” do të rezultojë të jetë një nga barnat më fitimprurëse të të gjitha kohërave. Sipas Merck, molnupiravir zvogëlon rrezikun e shtrimit në spital tek pacientët me koronavirus me simptoma të buta deri të moderuara me 50%.
Medikamenti është efektiv kundër të gjitha mutacioneve të njohura të virusit dhe është më praktik se terapitë e tjera anti-covid të disponueshme, të tilla si koktejet e antitrupave Regeneron dhe GlaxoSmithKline-Vir Biotechnology, të cilat jepen në mënyrë intravenoze në spital.
Dhe tek e fundit, molnupiravir është edhe më i lirë, pasi kostoja prej $ 700 është pothuajse gjysma e asaj të Regeneron (1,250 $) dhe një e treta e trajtimit GSK ($ 2,100).
Sidoqoftë, është më pak efektive, pasi koktejet e antitrupave zvogëlojnë shanset e shtrimit në spital dhe vdekjes me 70% në 85%. Në çdo rast, administrimi më i thjeshtë i pilulës Merck do të thotë që do të jetë më e lehtë për mjekët që ta japi me recetë dhe do të arrijë më shumë njerëz.
Sa do të marrë Merck nga ky ilaç? Në qershor, para se të përfundonte provat klinike, kompania nënshkroi një marrëveshje me qeverinë amerikane për të siguruar trajtime me vlerë 1.7 milionë dollarë me një kosto prej 700 dollarë secila, me një kosto totale prej 1.2 miliardë dollarësh.
Kompania ka njoftuar se ka marrëveshje me një numër qeverish, të cilave do t’u shpërndajë medikamentet e saj sipas niveleve të të ardhurave të secilit vend.
Merck do t’i shesë të drejtat për produktin fabrikave indiane që prodhojnë versionin gjenerik për vendet me të ardhura shumë të ulëta.
Për momentin, kompania parashikon që do të bëjë 10 milionë trajtime para fundit të vitit 2021, që do të thotë se do të ketë të ardhura prej 7 miliardë dollarësh. Kjo do të thotë që brenda pak javësh molnupiravir do të bëhet një nga 10 barnat më fitimprurëse të lëshuara ndonjëherë, shumë pranë Biktarvin të Galaadit për HIV.
Do të jetë gjithashtu më i vlefshëm i Merck, pas Keytruda, i cili gjeneron 14 miliardë dollarë të ardhura. Medikamenti më fitimprurës në botë është Humira e AbbVie për artritin. /abcnews.al/
