Loading ...
Nga Esiona Konomi
Deklarata e ministres së arsimit habiti jo pak, pasi llogariste që në çdo 4 shkolla, 3 të bëjnë mësim me turne. ABC kontaktoi zonjën Kushi për të saktësuar këtë shifër, dhe ajo pranoi se ishte një gabim njerëzor e kishte dashur të thotë të kundërtën, dhe së mësimi me turne është vetëm në 22 % të shkollave.
Qeveria nuk ka ndonjë zgjidhje konkrete për këtë çështje, por thotë se nuk do të jetë e përhershme.
Sipas qeverisë janë vaksinuar 80 % e mësuesve, ndërsa në mbarë vendin, dozën e parë e kanë marrë 900 mijë persona.
“35.5 % e popullatës target ka marrë dy doza. 64 % ata mbi 60 vjec”, tha Manastirliu.
500 mijë doza të tjera Pfizer do të vijnë brenda këtij viti dhe në këtë mbledhje qeveria miratoi fondet e duhura. Por, ende s’ka vendim për dozën e tretë.
“Dozat përforcuese po i mendojmë me komitetin e ekspertëve. Jemi të përgatitur”, deklaroi ajo.
Ministria e Shëndetësisë raporton se asnjë dozë vaksine nuk ka skaduar, dhe se gjithçka është blerë, është përdorur. /Abcnews.al
