Këto janë ditë të mbushura me ankth në Brazil për gjendjen e Pele i cili u shtrua në spitalin Albert Einstein në San Paulo që nga 31 gushti, ku u operua të shtunën për të hequr një tumor.
Sipas TV Globo, “O Rei” është akoma i shtruar në kujdes intensiv dhe për këtë arsye ende nuk është transferuar në një dhomë veçmas dhe akoma nuk dihet nëse tumori është mashkullor apo femëror.
Në moshën 80 vjeçare, legjenda e futbollit u diagnostikua me kancer të zorrës së trashë. Ekipi mjekësor vendosi menjëherë për shtrimin e tij në spital.
Institucioni mjekësor brazilian njoftoi: “Tumori u identifikua gjatë testeve rutinë kardiovaskulare dhe laboratorike dhe materiali u dërgua në laborator për analiza histologjike”. /abcnews.al/
