Donny van de Beek ishte shumë pranë largimit nga Manchester United këtë sezon. Mesfushori ka luajtur shumë pak minuta që nga mbërritja e tij këtu dhe në verë u desh një sqarim me klubin për të ardhmen.
Vetë holandezi tregon se një bisedë me Solskjaer ndryshoi planet e tij dhe citon fjalët që trajneri i tha, kur u diskutua në lidhje me largimin e mundshëm të yllit tulipan.
“Fola me menaxherin dhe klubin dhe ata ishin të qartë në dëshirën dhe gatishmërinë e tyre për të më mbajtur në ekip. Trajneri më tha se ka nevojë për mua dhe dëshiron të më mbajë te United.
Sigurisht, deri tani nuk kam luajtur asnjë minutë, por Solskjaer më tha se duke parë stërvitjet e mia, dheh një tjetër Donny. Kam nevojë t’i besoj atij. Nëse nuk kishte plane për mua, ai do më linte të shkoja, kështu që mendoj se ka plane për mua”, tha mesfushori. /abcnews.al
