Që nga janari i vitit 2019 më shumë se 92,000 fëmijë kanë përfituar bonusin e bebes.
Ministrja e Shëndetësisë, Ogerta Manastirliu ka publikuar në rrjetin social “Facebook” disa fotografi nga materniteti i ri i Sarandës duke ndarë edhe një moment emocionues, ardhjen në jetë të dy foshnjave, Lindiell dhe Arisel.
Gjithashtu Manastirliu shprehet se me investimet e kryera ky maternitet ofron shërbime më cilësore për nënat dhe fëmijët.
“Mirë se erdhët Lindiell dhe Arisel bebet e porsalindur në Maternitetin e ri të Sarandës, i cili ka ndryshuar plotësisht cilësinë e shërbimit shëndetësor për nënat dhe fëmijët e kësaj zone. Mbi 92,000 fëmijë kanë përfituar bonusin e bebes nga Janari 2019, kur nisi programi universal i mbështetjes për çdo të porsalindur”, shkruan ministrja e Shëndetësisë.
/abcnews.al/
