Nga nxehtësia e Amerikës së Veriut në përmbytjet e Evropës Perëndimore, ndryshimi i klimës shkak

Ndryshimi i klimës tashmë po shkakton gjithnjë e më shumë ngjarje ekstreme të motit, të tilla si përmbytjet e fundit në Gjermani ose valët e nxehtësisë në SHBA dhe Kanada.

Mediat e huaja bëjnë me dije se ndryshimet klimatike ndikohet nga shumë faktorë dhe kompleksë.

Ndërkohë për shkak të përmbytjeve në Gjermani kanë humbur jetën 165 persona. Përmbytjet e kësaj madhësie janë të rralla në Gjermani. Por për shkak të ndryshimit të klimës, meteorologët paralajmërojnë se fenomene të ngjashme do të ndodhin gjithnjë e më shpesh në të ardhmen.

Sipas Andreas Fink, një klimatolog në Institutin Karlsruhe për Meteorologji dhe Kërkime Klimatike: “Reshjet ekstreme do të bëhen më të shpeshta për shkak të ngrohjes globale”.

Ndër të tjera Dr. Sebastian Sippel nga Instituti për Klimë dhe Atmosferë në Universitetin e Teknologjisë së Cyrihut është shprehur se me rritjet e temperaturës do të rritet dhe lagështia në glob.

“Për çdo rritje të temperaturës me një gradë Celsius, atmosfera mund të thithë rreth 7% më shumë lagështi. Kjo lagështi shtesë e shkaktuar nga mbinxehja çon në një rritje të sasisë së ujit të shiut në planin afatgjatë, veçanërisht kur kemi reshje të mëdha shiu”, ka thënë ai.

Ekspertët gjithashtu nuk kanë më asnjë dyshim se ndryshimi i klimës antropogjene po ndikon në atmosferë. Karl Friedrich Sloisner, shef i ekipit kërkimor në Departamentin e Gjeografisë, Universiteti Humboldt, Berlin. Siç thekson ai karakteristikisht: “Pyetja e vetme është nëse”.

Siç vëren Andreas Fink, në vitet e fundit ka pasur ndryshime në rrjedhën e qëndrueshme të masave të gazit nga Poli i Veriut në Evropë. Siç vëren ai: “Shumë ekspertë spekulojnë se ngrohja e fortë e Arktikut shkakton një rrymë ajri që lëviz rreth Polit të Veriut. Kjo erë perëndimore fryn në një lartësi prej 9 km, dobësohet dhe pastaj kjo zonë krijon valë të reja. “Këto valë mund të shkaktojnë nxehtësi ekstreme, siç pamë në Amerikën e Veriut, ose përmbytje.”

Sidoqoftë, studiuesit nga e gjithë bota vlerësojnë se përmbytje si këto në Gjermani me pasoja katastrofike mund të ndodhin herë pas here në të ardhmen. Në kombinim me ngjarje të tjera ekstreme të motit, si rezultat i ndryshimit të klimës, shqetësimi i ekspertëve po rritet, si dhe paralajmërimet e tyre për veprim të menjëhershëm./abcnews.al