Gjashtë persona janë arrestuar nga policia në Tiranë për vepra të ndryshme penale, nga dhunë në familje, ngacmim seksual dhe drejtim makine në gjendje të dehur.
“Specialistët për hetimin e krimit në komisariatin e Policisë Nr.5 bënë arrestimin në flagrancë të shtetasit B. Gj., 26 vjeç, pasi ka ushtruar dhunë fizike dhe psikologjike ndaj nënës së tij.
Nga specialistët për Hetimin e Krimit në Komisariatin e Policisë Nr.4 u bë arrestimi në flagrancë i shtetasit G. B., 40 vjeç, pasi dyshohet se ka kryer vepra të turpshme ndaj një shtetase të mitur.
Specialistët e Qarkullimit Rrugor bënë arrestimin në flagrancë të shtetasve; P., 38 vjeç, D. M., 32 vjeç dhe E. P., 38 vjeç, pasi u kapën duke drejtuar mjetet përkatëse në gjendje të dehur; K., 19 vjeç, pasi u kap duke drejtuar mjetin pa lejen përkatëse” njofton policia. Materialet i kaluan Prokurorisë së Rrethit Gjyqësor Tiranë, për veprime të mëtejshme” njofton policia. / Abcnews.al
