E mbani mend David Trezeguet? Së fundmi ish-ylli i Francës dhe Juventusit është kthyer të flasë për ish-klubin e tij dhe është ndalur te Ronaldo. Sipas tij Juventusi nuk po arrin t’i marrë maksimumin portugezit.
“Them se askush nuk ka qenë në gjendje ta menaxhojë Ronaldon si Zidane. Ndoshta te Juventusi ka munguar komunikimi i duhur. Një trajner mund ta marrë një lojtar të tillë, t’i tregojë një ndeshje dhe t’i thotë: ‘E shikon? Ke ecur 90 minuta. Më jep një ndihmë për të fituar’.
Ka lojtarë që të japin fitoren dhe nuk mund t’i kesh kundër. Ronaldo të bën të fitosh, po kështu edhe Dybala. Të tjerët, me gjithë respektin, më pak”, tha Trezeguet. /abcnews.al
