Prej disa kohësh përflitej se Nora Istrefi dhe Melinda Ademi do të vinin me një bashkëpunim. Më pas u mësua se dyshes së famshme do t’i bashkohej dhe Gjiko. Ndërsa qëndruan në heshtje gjatë kësaj kohe, këtë lajm e kanë konfirmuar vetë artistët nëpërmjet rrjeteve sociale.
Ata kanë ndarë disa pamje nga klipi i këngës që titullohet “Ay Caramba”. Kjo nuk është hera e parë që Gjiko ka bashkëpunuar me dy artistet. Me Norën ai solli dy super hite “Gabime” dhe “Anna”. Ndërkohë, me Melindën publikoi disa muaj më parë “X5”, që rezultoi gjithashtu e suksesshme.
Nga ana tjetër, Melinda publikoi pak disa muajsh mungesë këngën “Qa Din Ti”. Kënga solli një përplasje me reperen tjetër Gjira Kajtazin, e cila e kritikonte për klipin, që erdhi vetëm pak muaj pas vdekjes së nënës së saj.
Debati i madh që u shkaktua detyroi reperen të kërkonte ndjesë publike ndaj saj. “@melindaademi: më vjen keq që mora të drejtën me u përzi në veprimet e tua. S’ka qenë qëllimi im me t’lëndu a ofendu në kohën më të vështirë të jetës tënde. Më fal nga zemra…Ky status vjen nga bindja e veprimit tim të gabuar.”, shkroi Gjira. /abcnews.al
