Komiteti Ekzekutiv i FSHF-së ka përcaktuar ditën e sotme datat e nisjes së sezonit të ri në futbollin shqiptar. Gjithçka fillon me finalen e Superkupës së Shqipërisë. Teuta dhe Vllaznia do të masin forcat mes tyre më 28 gusht.
Më pas radha e sezonit të ri të Kategorisë Superiore, që do të zhvillojë javën e parë më 11 shtator. Skuadra kampione do të shpallet më 26 maj të vitit 2022, ndërsa edhe Kategoria e Parë nis po më datën 11 shtator 2021 për t’u mbyllur më datën 7 maj 2022.
Datat e fillimit dhe përfundimit të të gjithë kompeticioneve
- Superkupa e Shqipërisë të zhvillohet më datën 28.08.2021.
- Kampionati i Kategorisë “Superiore” të fillojë më 11.09.2021 dhe të mbarojë më datën 26.05.2022.
- Kampionati i Kategorisë së Parë të fillojë më datën 11.09.2021 dhe të mbarojë më datën 07.05.2022.
- Kampionati i Kategorisë së Dytë të fillojë më datën 19.09.2021 dhe të mbarojë më datën 01.05.2022.
- Kupa e Shqipërisë, Turi Paraeleminator të fillojë më datën 11.09.2021 dhe të mbarojë më datën 31.05.2022.
- Kampionati i Femrave të fillojë më datë 26.09.2021 dhe të mbarojë më datë 30.04.2022.
- Kampionati i moshave Superiore U-17/U-19 të fillojë më datën 19.09.2021 dhe të mbarojë më datën 08.05.2022.
- Kampionati i moshave Superiore U-13/U-15 të fillojë më datë 19.09.2021 dhe të mbarojë më datë 01.05.2022.
