Ministrja e Mbrojtjes, Olta Xhaçka, kreu një vizitë zyrtare në Rumani. Ajo u prit nga kryeministrja Dăncilă dhe homologu i saj Fifor. Rumania vlerësoi rolin e Shqipërisë si faktor stabiliteti në rajon. Ndërkohë Xhaçka dhe homologu rumun shprehën vullnetin për të forcuar bashkëpunimin e ri në fushën e mjekësisë ushtarake dhe për trajnimin e forcave speciale dhe ato detare.
Ministrja e Mbrojtjes mori mbështetjen e kryeministres rumune për hapjen e negociatave me BE. Vitin e ardhshëm, Rumania do të marrë presidencën e radhës të Bashkimit Europian. Xhaçka shoqërohej në këto takime nga ambasadori i Shqipërisë në Rumani, Ilir Tepelena.
/abcnews.al
