Bebe Rexha është bërë pjesë e Netflix. Këngëtarja me origjinë shqiptare do të jetë pjesë e serialit të animuar “We the People”, të krijuar nga Chris Nee. Bëhet fjalë për një seri videosh muzikore të animuara për të edukuar të rinjtë amerikanë për fuqinë e njerëzve përmes 10 episodeve tre minutëshe.
“We the People” ndërthur animacionin me këngë origjinale të interpretuara nga artistë, përfshirë Lin-Manuel Miranda, HER, Janelle Monáe, Brandi Carlile, Adam Lambert, Cordae, Bebe Rexha, KYLE, Andra Day dhe poeten Amanda Gorman. Seriali do të publikohet më 4 korrik në Netflix. /abcnews.al
