Për herë të parë që nga shpërthimi i pandemisë, asnjë viktimë në Britani

Gjatë 24 orëve të fundit nuk është regjistruar asnjë vdekje si pasojë e Covid në Britani. Kjo është hera e parë që asnjë person nuk humb jetën nga virusi në 24 orë që nga fillimi i pandemisë.

Sipas të dhënave të autoriteteve shëndetësore, në orët e fundit, janë regjistruar 3,165 raste të koronavirusit, ndërsa dje ishin 3,383 raste dhe një i vdekur.

Në të njëjtën kohë 93,103 qytetarë të tjerë u vaksinuan me dozën e parë të vaksinës, duke e çuar numrin e përgjithshëm të qytetarëve të vaksinuar me dozën e parë në 39,477,158. g.v/abcnews.al