U zhduk në rrethana misterioze në Greqi, gjendet pas disa ditësh 38-vjeçarja shqiptare

Është gjetur shëndoshë e mirë 38-vjeçarja shqiptare Ermalda Arapi e cila u shpall e zhdukur disa ditë më parë në Greqi, pasi kishte humbur çdo kontakt me familjarët.

Konkretisht, Ermalda Arapi, 38 vjeç, u zhduk nga shtëpia e saj në zonën e Gyzi, në Athinë, më 18/05/21.

Alarmi për zhdukjen e saj u dha më 27/05/2021, ndërsa me gjetjen e saj u mor qendra e alarmeve sociale “Silver Alert” ku u mobilizuan qindra persona.

Shërbimi Silver Alert, më 29.05.2021, mori një telefonatë ku u njoftua se vajza shqiptare ishte gjetur dhe është në ambiente të sigurta pranë familjes. /abcnews.al/