Manchester United e mbylli sezonin me humbjen ndaj Villareal në finalen e Europa League. Ekipi spanjoll u shfaq më i saktë në goditjet e penalltive dhe fitoi trofeun për herë të parë në histori. Drejtuesit e “Djajve të Kuq” janë fokusuar te merkato.
Ole Gunnar Solskjaer pret emra të mëdhenj dhe në klub po bëjnë maksimumin t’i plotësojnë kërkesat e trajnerit norvegjez. Jadon Sancho është një dëshirë e kahershme, por merkato e kësaj vere pritet të sjellë më në fund kalimin e talentit anglez tek United.
Sky Sports thekson se Dortmund ka vendosur ta nxjerrë në shitje sulmuesin e djathtë. Verdhezinjtë gjermanë kërkojnë 85 milion euro për ta lënë të lirë 21-vjeçarin, i cili shpreson të luajë në mitikun “Old Trafford” sezonin e ardhshëm.
Dortmund ka gati edhe pasuesin e Sanchos dhe ai është Jonathan Ikone, 23-vjeçari i Lille. Një tjetër objektiv është Jan Oblak. David De Gea dhe Dean Henderson nuk japin siguri. “Gardiani” i Atletico Madrid është në krye të preferencave.
Slloveni ka një klauzolë largimi prej 120 milion eurosh dhe kampionët e Spanjës nuk bëjnë asnjë tolerim. Në kushte të tilla, në ishul po mendojnë të përfshijë në këtë operacion De Gean, i cili mund të rikthehet tek ekipi ku u bë i famshëm. /abcnews.al
