Një bandë hajdutësh është shkatërruar nga policia greke. Mësohet se ata akuzohen për vjedhje të shumta dyqanesh dhe makinash, kryesisht në zonat e jugut të Atikës.
Në pranga mësohet se ka rënë një shqiptar 26-vjeçar, një person tjetër nga Pakistani si dhe një vajzë e re rreth 21-vjeç. Ata u arrestuan në Iliopoli në qendër të Athinës.
Ndaj tyre u ngrit një çështje për një organizatë kriminale, për vjedhje të shumta, falsifikim e deri tek droga.
Sipas ELAS, tre personat e arrestuar kishin formuar një bandë që nga janari i kaluar. Sa i përket mënyrës së veprimit, njëri nga dy të arrestuarit, në orët e para të mëngjesit, duke mbuluar fytyrën, me një maskë kirurgjikale, u kap teksa tentoi ë vidhte në një dyqan.
Ai i transportoi sendet e vjedhura në një apartament që mbante me bashkëpunëtorët e tij në qendër të Athinës, ku i fshehën përkohësisht, për t’i shitur më vonë.
Në të njëjtën kohë, anëtarët e bandës kryenin vjedhje në makina të parkuara në zona të ndryshme të Atikës.
Nga hetimi paraprak deri më tani, 29 raste të vjedhjeve – vjedhje dyqane dhe 6 raste të vjedhjeve të makinave janë hetuar, ndërsa shumë sende të vjedhura janë gjetur dhe konfiskuar.
Vihet re se dy burrat e arrestuar kishin precedent të mëparshëm penale, po për vjedhje. /acbnews.al/
