E përditshmja greke “Ta Nea”, raporton se në një fjalim jashtë radhe kryeministri i Greqisë Aleksis Tsipras u ka bërë apel ministrave të qeverisë së tij që të mos mendonin rrëzimin e saj për shkak të marrëveshjes me Maqedoninë. Më herët e njëjta e përditshme raportonte se kreu i ekzekutivit grek Tsipras është takuar në fshehtësi me partnerin e tij të koalicionit, njëkohësisht ministri i Mbrojtjes, Panos Kamenos.
Kryeministri i Greqisë Aleksis Tsipras i ka dhënë një mesazh të qartë ministrave të tij dhe partnerëve të koalicionit qeverësisës. Ai u ka kërkuar që as të mos mendojnë të rrëzojnë qeverinë për shkak të marrëveshjes së arritur me Maqedoninë për çështjen e emrit. Kryeministri grek kërkoi unitet në mënyrë që të mund të korrnin sukeseset e 3 vjet e gjysëm qeverisjeje. Në një moment që sipas tij dhe ekonomia në vend po rimëkëmbet. Ai i kërkoi ministrave që të mos mbështesin përpjekjet e të djathtës ekstreme, që kërkon rrëzimin e qeverisë me justifikimin e marrëveshjes së Prespës.
Më herët e njëjta e përditshme konfirmonte një takim të fshehtë, të hënën mes kryeministrit grek Aleksis Tsipras dhe partnerit të tij të koalicionit njëkohësisht ministri i Mbrojtjes, Panos Kamenos. Takimi nuk është bërë në kryeministri në Klubin e Ushtrisë. Sipas “Ta nea”, dy partnerët e koalicionit, kanë konfirmuar marrëveshjen e tyre për të vazhduar qeverisjen deri në muajin mars, kur Marrëveshja e Prespës do të diskutohet në parlamentin grek.
Takimi vjen pas kthimit të Kamenos nga SHBA-ja, ku foli për planin B ndaj Marrëveshjes së Prespës duke shkaktuar reagime në Greqi, si nga anëtarët e Qeverisë, ashtu edhe nga partitë opozitare.
Për këtë takim nuk ka ende një konfirmim zyrtar as nga zyra e Kryeministrisë dhe as nga stafi i ministrit të brendshëm. /abcnews.al
