Para pak ditësh u konfirmua se më datë 14 gusht në Arabinë Saudite do të zhvillohet një nga ndeshjet më të forta të boksit të 10 viteve të fundit mes Anthony Joshua dhe Tyson Fury.
Të dy janë kampionë bote për tituj të ndryshëm dhe zhvillojnë këtë ndeshje për unifikimin e titujve të peshave të rënda. Padyshim që kjo përballje do të jetë një nga eventet më të ndjekur në botë dhe si e tillë, do të sjellë fitime të mëdha.
Një pjesë e mirë e të ardhurave shkojnë për boksierët dhe sipas ESPN, Fury dhe Joshua do të marrin nga 75 milionë dollarë për këtë sfidë. Ky është mes 5 shpërblimeve më të mëdha ndonjëherë në boks për një ndeshje. /abcnews.al
