Zinedine Zidane do të largohet nga Real Madrid. Trajneri francez mund të marrë drejtimin e Juventusit sezonin e ardhshëm, por duhet pritur për të mësuar më shumë rreth së ardhmes së Zizou.
Presidenti i “Los Blancos”, Florentino Perez po punon për të gjetur pasuesin e tij. I preferuari i tifozëve dhe një nga kandidatët kryesorë për t’u ulur në pankinë, është Raul.
Në garë mbetet edhe Max Allegri, i cili do e mirëpriste me kënaqësi një ftesë nga klubi kryeqytetas. Një tjetër teknik italian ka dalë në skenë, madje bëhet fjalë për një “ish”.
Në Angli theksojnë se edhe Carlo Ancelotti shihet si një mundësi e mirë për të zëvendësuar Zidane. Carletto ka drejtuar Real Madrid në vitet 2013-2015, duke e mbyllur aventurën iberike me 4 trofe.
I paharrueshëm mbetet triumfi në Champions League në finalen derbi ndaj Atletico Madrid. 61-vjeçari ndihet shumë mirë tek Evertoni, por nuk do e humbiste kurrë mundësinë për t’u rikthyer te Reali. /abcnews.al
