Me rastin e promovimit të librit “The Beauty of Living Twice”, Sharon Stone ka folur për përvojën që i ka ndryshuar jetën. Gjatë një interviste për “The Late Late Show With James Corden” , aktorja tregoi më tepër detaje nga problemi serioz në tru, për shkak të të cilit iu desh të qëndronte disa ditë në spital.
Në vazhdim të intervistës së saj, ajo shprehet se e kuptoi se diçka serioze po ndodhte, dhe se ndjente sikur do të vdiste. Ajo përshkroi përvojën e frikshme të vdekjes që kishte përjetuar ndërsa ndodhej në ambulancë. “Ata më vendosën në një barrelë dhe papritmas kjo ishte e gjitha. Ishte sikur u largova. E ndjeva veten duke dalë dhe aty ishte ky tunel, të cilin po përpiqesha ta ngjisja.
Në fund ishte një vrimë dhe ishin njerëzit e mi, të cilët kishin vdekur. Ata më shikuan sikur po më thoshin se janë mirë atje. Atëherë, ndjeva sikur po u thoja atyre: ‘Po vij me ju djema’ dhe ndërsa po lëvizja shumë shpejt drejt tyre, papritmas ndjeva sikur po më shkelmonin shumë fort në gjoks”, tregoi aktorja. /abcnews.al
