Miralem Pjanic erdhi me shumë bujë te Basrcelona pas shkëmbimit me brazilianin Arthur, por gjithçka rezultoi të ishte një dështim pasi boshnjaku nuk është preferuar nga Koeman dhe në shumicën e ndeshjeve ka ngrohur stolin.
Barcelona kërkon formula likujditeti dhe shitja apo shkëmbimi i Pjanic është një opsion. RAC 1 raporton se këmbimi me Jorginhon është një opsion mjaft i mundshëm. Në adresë të Pjanic ka mjaft oferta për shkak se ai ruan ende vlerësimin e madh për cilësitë e tij.
Një tjetër opsion shumë tundues për Barcelonën është rikthimi te Juventus i Pjanic, si këmbim me një Rodrigo Bentancur. Te Juventus Pjanic ka kaluar vitet më të mira në karrierë, duke fituar disa trofe dhe e futur veten mes më të mirëve në planet. /abcnews.al
