Loading ...
Thashethemet se Rita Ora ka nisur një histori dashurie me Taika Waititin janë përforcuar më shumë. Këngëtarja dhe regjisori nga Zelanda e Re janë parë shumë të afërt me njëri-tjetrin në premierën botërore të “RuPaul’s Drag Race Down Under” në Sidnei.
Të dy u dukën të mrekullueshëm dhe të qeshur pranë njëri-tjetrit. Një burim tha për ‘The Sun’ se “Rita dhe Taika nuk mund t’i mbanin duart larg njëri-tjetrit. Ata po shëtisnin si të dashur dhe nuk kanë qëndruar larg njëri-tjetrit gjatë gjithë natës.”
Sidoqoftë, ende Rita dhe regjisori nuk kanë konfirmuar asgjë për një lidhje të mundshme. Kjo romancë e re e saj vjen vetëm pak muaj pas ndarjes nga Romain Gravras. Taika ka qenë i martuar më parë dhe u nda nga ish gruaja, Chelsea Winstanley në 2018-ën pas shtatë vitesh së bashku. /abcnews.al
