Qeveria e Malit të Zi miratoi projektligjin për ndryshimin dhe plotësimin e Ligjit për simbolet shtetërore.
Sipas këtij ligji kushdo që nuk ngrihet në këmbë gjatë këndimit të himnit do të gjobitet me 300 deri në dy mijë euro. Lajmi u konfirmua nga Ministri i Kulturës së Malit të Zi Aleksandër Bogdanoviç, pas mbledhjes së qeverisë.
Ligji gjithashtu detyron komunat dhe institucionet publike, themelues i të cilave është shteti që të ekspozojnë dukshëm flamurin kombëtar. /abcnews.al
