Rikthimi në Champions League do të sjellë një merkato cilësore te Milani. Objektivi nuk është arritur akoma, por drejtuesit vazhdojnë të punojnë në shumë fronte: me rinovimet dhe piketimet e lojtarëve që do të përforcojnë skuadrën e Stefano Piolit.
Një sulmues i djathtë është një nga nevojat që ka Milani dhe në skenë ka dalë Erik Lamela. 29-vjeçari argjentinas ka kontratë deri në vitin 2022 me Tottenham, ekip me të cilin këtë sezon numëron 3 gola dhe një asist.
Aventura e tij me ekipin londinez është drejt fundit dhe rikthimi në Serie A, aty ku ka luajtur më parë me Romën, mbetet një mundësi reale. Lamela do e mirëpriste transferimin te Milani, operacion që mund të mbyllet për shumën e 15 milion eurove. /abcnews.al
