Bebe Rexha ka zbuluar se pritet të sjellë së shpejti albumin e saj më të ri. Artistja shqiptare me famë botërore e bëri me dije lajmin përmes një videoje në Instastory, duke thënë se data e publikimit të albumit me titull “Better Mistakes” do të jetë me 7 Maj.
Në video, këngëtarja shqiptare shfaqet e emocionuar, ndërsa thotë se pret me padurim që të gjithë fansat të dëgjojnë projektet muzikore. Këngëtarja ka zbuluar gjithashtu kopertinën e këtij albumi. Për më tepër, ajo pritet të publikojë këtë të premte një këngë të re, Sabotage.
“Edhe një surprizë pasi nuk duket se të gjithë mund të presin më gjatë për këtë.”, ka shkruar Bebe. Kujtojmë që autorja e shumë hiteve shënoi një rekord pak ditë më parë në platformën “Spotify” duke shënuar 1 miliard dëgjime me projektin “Meant To Be”. /abcnews.al
