I shkëlqyer në fushë dhe më pas si trajner. Zinedine Zidane ka qenë një futbollist i jashtëzakonshëm, teksa prej vitesh po konfirmohet edhe në stol si një ndër më të mirët.
Francezi ia ka dalë të rikthejë Real Madrid në formën e ditëve më të bukura. “Los Blancos” fituan 2-1 El Clasicon ndaj Barcelonës mbrëmjen e kaluar, teksa në mesjavë mposhtën 3-1 Liverpool në Champions.
Kampionët në fuqi të Spanjës, po garojnë fort në të dy frontet dhe ndodhen në rrugën e duhur. Zidane ka treguar edhe njëherë qe mbetet një mjeshtër i taktikës.
Irony is Zidane’s tactical nous & flexibility is precisely why he doesn’t get credit for being a good tactician. Nowadays, you have to have a distinct ideology or “philosophy” to get props as a coach. Back-to-back tactical wins vs Liverpool & Barca won’t change minds #ElClasico https://t.co/O9Wd6Ycrs1
— Rahul Kalvapalle (@Kalvapalle) April 10, 2021
Kundër Eibar, sfidë që Reali e fitoi 2-0 (3 prill), ndeshje në të cilën e rreshtoi ekipi me skemën 3-5-2. Trajneri ndryshoi ndaj Liverpool, duke zgjedhur modulin taktik 4-3-3. “Los Blancos” sërish dominuan dhe fituan ndeshjen.
Kalojmë te El Clasico ndaj katalanasve. 48-vjeçari ndryshoi sërish, duke befasuar homologun Koeman. Reali zbriti në fushë me skemën 4-4-2. Ekipi nuk dështoi dhe fitoi ndeshjen e tretë radhazi, teksa Zidane konfirmoi aftësinë e tij të jashtëzakonshme në pankinë. /abcnews.al
