Katy Perry ka dhënë një pasqyrim të vogël nga jeta e saj pasi u bë nënë për herë të parë. Në episodin e së dielës të “American Idol”, këngëtarja zbuloi diçka shumë personale që tërhoqi vëmendjen e të gjithëve, koment të cilin e bëri ndërsa përgëzonte konkurrenten Cassandra Coleman për performancën mbresëlënëse.
“Zëri juaj është një përvojë shpirtërore. Me pak fjalë është engjëllor. Dhe si një nënë e re, unë nuk kam shumë kohë dhe kam hequr dorë nga depilimi. Por kur ti këndove, qimet në këmbë m’u ngritën përpjetë. Më është rrëqethur gjithë trupi. Ishe e mrekullueshme”, u shpreh Katy.
Për të vërtetuar fjalët e saj, anëtarëve të tjerë të jurisë i kërkuan këngëtares të tregonte këmbët. “Ka vërtetë qime në këmbë. Faleminderit për raportin mjeko-ligjor”, u shpreh me shaka Luke Bryan. Këngëtarja e “Fireworks” shkroi në twitter për të adresuar momentin viral. /abcnews.al
An actual live look at my leg hair while I hear @casscoleman sing #AmericanIdol pic.twitter.com/RPn2gtvzhZ
— KATY PERRY (@katyperry) April 5, 2021
