Pas kufizimeve të reja, shkollat në rajone me rrezik më të lartë në Itali do të zhvillojnë mësimin online deri në fund të Pashkëve.
Kjo nuk është e pazakontë në të gjithë Europën. Sidoqoftë, në një nga vendet më pak të zhvilluara nga ana digjitale në BE, paraqet një pengesë të madhe për arsimin.
Një e treta e familjeve italiane nuk kanë kompjuter dhe pandemia e ka theksuar edhe më tepër këtë nevojë. Tani një fushatë për mbledhjen e fondeve në të gjithë vendin është zotuar të ndihmojë në zgjidhjen e problemit, raporton abcnews.al
Mungesa e një kompjuteri është një çështje kryesore kur fëmijët do të duhet të studiojnë në shtëpi. Dhe fakti që Italia i mbajti shkollat e mbyllura për më shumë kohë se shumë vende europiane si rezultat i pandemisë do të thotë se shumica duhet të ndjekin mësimin online.
Për më tepër, fondet publike nuk kanë arritur të sigurojnë mjetet e duhura për studentët italianë.
“Digitali e Uguali” është një fushatë e re mbarëkombëtare, e nisur nga disa kompani mediatike dhe organizata bamirësie, për të ndihmuar shkollat të blejnë kompjuterë personalë për familjet në vështirësi.
“Fushata ka qenë e suksesshme. Kjo është një shenjë e mirë. Kemi folur me rreth 1,400 shkolla për vetëm 10 ditë. Kjo është shumë domethënëse. Kjo tregon se ekziston një nevojë e vërtetë për kompjuterë personalë, veçanërisht midis fëmijëve, “tha Maurizio Molinari, kryeredaktor i gazetës La Repubblica.
“Në një vend si Italia që është prekur kaq shumë nga pandemia dhe me shumë viktima, fakti që njerëzit kanë dhuruar 10, 15 apo edhe 50 euro për të ndihmuar këta studentë të kenë qasje në mësimin online, tregon se vlerat shoqërore janë rrënjosur thellë në vend. ”/abcnews.al
