Loading ...
Kryeministri i Maqedonisë së Veriut , Zoran Zaev deklaroi se personat që nuk kanë shtetësi maqedonase nuk mund të regjistrohen.
Në një komunikim me gazetarët ai shtoi se regjistrimin e popullsisë nuk do ta ndalojë askush, por do të jetë i pavlefshëm për qytetarët që nuk kanë shtetësi dhe se aplikimi do të anulohet automatikisht.
Lexo edhe: Qeveria dhe opozita në RMV arrijnë dakordësinë, shtyhet për në shtator regjistrimi i popullsisë
“Askush nuk mund ta ndalojë atë regjistrim, por nuk është i vlefshëm për shkak se ne në bazën e të dhënave kemi të gjithë ata që kanë shtetësi. Në regjistrimin e RMV-së regjistrohen gjithë qytetarët që kanë shtetësi. Kjo do të thotë se personat pa shtetësi nuk mund të regjistrohen”, ka thënë Zaev.
Ditën e sotme Zaev dhe Hrisitjan Mickoskit pas disa orësh bisedime u dakorduan që regjistrimi i popullsisë në Maqedoninë e Veriut të shtyhet për në shtator.
/abcnews.al/
